踏入5月，又到咗慶祝長相思 (Sauvignon Blanc，5月6日)、灰比諾 (Pinot Gris，5月17日) 仲有莎當妮(Chardonnay，5月26日) 嘅日子，咁就梗係要品嚐吓用這呢幾隻葡萄釀製嘅白葡萄酒，同大家分享吓啦！不過，唔知大家平時玩電話、iPad嘅時候有無發現： 表情符號中有啤酒🍺、紅酒🍷、香檳(即係：🍾+ 🥂)、清酒🍶，就偏偏無白葡萄酒嘅表情符號呢? 🤔
原來早喺2018年，位於加州Sonoma的Kendall Jackson酒莊就向萬國碼聯盟 (Unicode Consortium) 提交咗一份19頁嘅提案，要求增加白葡萄酒嘅表情符號，可惜他們嘅提議最後都無被獲得批准。不過，呢個絕對唔會係白葡萄酒表情符號嘅結局! 萬國碼聯盟 (Unicode Consortium) 就回應指出會繼續考慮喺日後增加，咁就成為咗紐西蘭嘅一線曙光。
紐西蘭葡萄種植者協會 (New Zealand Winegrowers) 喺今年5月就發起咗一連串嘅活動引起各界關注，呼籲世界各地嘅人簽署請願書。紐西蘭葡萄種植者協會 (New Zealand Winegrowers) 嘅總經理Charlotte Read指出“紐西蘭嘅白葡萄酒佔紐西蘭全球出口比例嘅 93%，而長相思佔紐西蘭全球出口比例嘅 85%，紐西蘭仲生產其他世界級嘅白葡萄品種，例如：灰比諾和莎當妮”、 “我哋希望通過向萬國碼聯盟(Unicode Consortium) 申請白葡萄酒嘅表情符號，俾多啲人認識紐西蘭生產嘅高品質白葡萄酒，穩固1990 年代後期表情符號嘅創作中未有嘅表情符號。” 。
作為白葡萄酒嘅愛好者，我哋都好希望萬國碼聯盟 (Unicode Consortium) 可以增加白葡萄酒嘅表情符號。若果您唔係，大家都可以多個選擇吖! Why not?
📝 簽署請願書，請按此。
Comentarios